យើងដឹងហើយថា ផ្លែត្រសក់ស្រូវគឺមានរសជាតិផ្អែមពីធម្មជាតិ ហើយជាទូទៅវាត្រូវបានគេពេញនិយមយកទៅធ្វើជាបង្អែមសម្រាប់ទទួលទាន។ ផ្លែត្រសក់ត្រូវក្នុងមួយផ្លែមានជាតិទឹកដល់ទៅ ៩៥ភាគរយ ហើយវាក៏សម្បូរទៅដោយជីវជាតិបំប៉នជាច្រើនសន្ធឹកសន្ធាប់ដែលមានប្រយោជន៍សម្រាប់សុខភាព។ ខាងក្រោមនេះគឺជាអត្ថប្រយោជន៍ដែលលោកអ្នកអាចទទួលបានពីផ្លែត្រសក់ស្រូវ ៖

១. ជួយបង្កើនថាមពល
ផ្លែត្រសក់ស្រូវមួយផ្លែគឺសម្បូរទៅដោយវីតាមីន B ដែលជាវីតាមីនដ៏សំខាន់មួយដែលរាងកាយមនុស្សយើងត្រូវការក្នុងការផលិតថាមពល។ វីតាមីន B នេះរាងកាយយើងត្រូវការវាដើម្បីដំណើរការស្ករក្នុងសរសៃឈាម និងដំណើរការ កាបូអ៊ីដ្រាត។ ហេតុនេះប្រសិនបើលោកអ្នកទទួលទានផ្លែត្រសក់ស្រូវ នឹងអាចជួយផ្តល់ថាមពលដល់រាងកាយបានយ៉ាងល្អ។

២. ជួយបញ្ចុះទម្ងន់
នៅក្នុងត្រសក់ស្រូវគឺមានកម្រិតជាតិសូដ្យូម និកាឡូរីទាប។ ដោយសារតែផ្លែត្រសក់ស្រូវមានជាតិទឹកច្រើន គឺវាអាចជួយធ្វើឲ្យលោកអ្នកឆ្អែតបានយូរ ខណៈពេលដែលជាតិផ្អែមនៅក្នុងត្រសក់ស្រូវអាចជួយកាត់បន្ថយចំណង់អាហាររបស់អ្នកបាន។

៣. ជួយដល់សុខភាពបេះដូង
ជាការពិតណាស់ ផ្លែត្រសក់ស្រូវ គឺអាចជួយបញ្ឈប់កំណកឈាមដែលអាចបង្កជាជម្ងឺដាច់សរសៃឈាមខួរក្បាល និងជំងឺបេះដូងបានយ៉ាងល្អ។ ផ្លែនេះវាអាចជួយកាត់់បន្ថយហានិភ័យពីជំងឹបេះដូងបានដោយបន្ថែមជាការសម្រួលដល់សរសៃឈាមនៅក្នុងរាងកាយវិញ ។

៤. ជួយដល់សុខភាពតម្រងនោម
យើងដឹងហើយថា ផ្លែត្រសក់ស្រូវគឺសម្បូរទៅដោយជាតិទឹក។ លក្ខណៈបែបនេះហើយដែលវាមានប្រយោជន៍យ៉ាងខ្លាំងទៅដល់អ្នកដែលមានជំងឺតម្រងនោម។ ហេតុនេះហើយ អ្នកគួរតែទទួលទានផ្លែត្រសក់ស្រូវឲ្យបានជាប្រចាំដើម្បីថែទាំតម្រងនោមរបស់អ្នកឲ្យមានលក្ខណៈល្អប្រសើរ។

៥. ជួយដល់ការរំលាយអាហារ
ប្រសិនបើលោកអ្នកមានបញ្ហាពិបាកក្នុងការរំលាយអាហារ លោកអ្នកអាចទទួលទានផ្លែត្រសក់ស្រូវឲ្យបានជាប្រចាំ ព្រោះសារធាតុដែលមាននៅក្នុងផ្លែត្រសក់ស្រូវនឹងជួយសម្រួលដល់ចលនាពោះវៀនរបស់លោកអ្នកឲ្យមានភាពងាយស្រួលជាងមុន។ សារធាតុខនិជដែលមាននៅក្នុងផ្លែត្រសក់ស្រូវ ក៏អាចកាត់បន្ថយជាតិអាស៊ីតដែលតែងតែបង្កការរំខានដល់ការរំលាយអាហារផងដែរ ៕

 សូមដោនឡូត GrandMed App ឥឡូវនេះ!
1. ដោនឡូតអេប សំរាប់ទូរស័ព្ទ Iphone
https://apps.apple.com/nz/app/grandmed/id1592706175
2. ដោនឡូតអេប សំរាប់ទូរស័ព្ទ Samsung
https://play.google.com/store/apps/details?id=com.grandMed