ស្រ្តីជាម្តាយគ្រប់រូបតែងស្វែងរកព័ត៌មាន និងរៀបចំ​នូវផែនការរៀងៗខ្លួនក្នុងអំឡុងពេលចាប់ផ្តើមមានផ្ទៃពោះ។ ការរៀបចំដែលចាំបាច់ និងស្រ្តីត្រូវរៀបចំសម្រាប់ការរស់នៅប្រចំាថ្ងៃមានដូចខាងក្រោម ៖

1. ទទួលទានអាហារដែលផ្តល់សុខភាព ៖ ញ៉ាំផ្លែឈើ បន្លែចម្រុះពណ៌ គ្រាប់ធញ្ញជាតិ​ អាហារសម្បូរជាតិកាល់ស្យូម និងអាហារដែលមានជាតិខ្លាញ់ទាប។ កូនរបស់អ្នកត្រូវការសារធាតុចិញ្ចឹមដើម្បីលូតលាស់មានសុខភាពល្អ និងរឹងមាំនៅក្នុងស្បូន។
2. ទទួលទានវីតាមីនមុនពេលសម្រាលជាប្រចាំ ៖ ការទទួលទានវីតាមីនចម្រុះមុនសម្រាលជារៀងរាល់ថ្ងៃ អាចជួយធានាថាអ្នកទទួលបានបរិមាណត្រឹមត្រូវនៃសារធាតុចិញ្ចឹមសំខាន់ៗដែលអ្នកនិងកូនរបស់អ្នកត្រូវការក្នុងអំឡុងពេលមានផ្ទៃពោះ។ ទាំងនេះរួមមានអាស៊ីតហ្វូលិកជាតិដែកនិងកាល់ស្យូម។
3. រក្សាជាតិទឹក ៖ រាងកាយស្ត្រីមានផ្ទៃពោះត្រូវការទឹកច្រើនជាងស្ដ្រីដែលមិនមានផ្ទៃពោះ។ ក្នុងមួយថ្ងៃគួរញ៉ាំទឹកឱ្យបានប្រាំបីកែវឬច្រើនជាងនេះ។
4. ទៅពិនិត្យសុខភាពមុនពេលសម្រាល ៖ ស្ត្រីគួរតែទទួលបានការថែទាំមុនពេលសម្រាលឱ្យបានទៀងទាត់ពីអ្នកផ្តល់សេវាថែទាំសុខភាព។ ម្តាយដែលមិនទទួលបានការថែទាំមុនពេលសម្រាលជាធម្មតាងាយនឹងមានកូនដែលមានទម្ងន់កំណើតទាបឬផលវិបាកផ្សេងទៀត។
5. ចៀសវាងអាហារមួយចំនួន ៖ អាហារមួយចំនួនដែលស្ត្រីគួរចៀសវាងទទួលទានពេលមានផ្ទៃពោះមានដូចជា៖ សាច់ឆៅ ថ្លើម ស៊ូស៊ី ស៊ុតឆៅ(មាននៅក្នុង mayonnaise ផងដែរ) ឈីសទន់ (feta, brie) ទឹកដោះគោគ្មានជាតិម្សៅ។
6. កុំផឹកស្រា ៖ កុំផឹកស្រាមុនពេលមានផ្ទៃពោះ អំឡុងពេលមានផ្ទៃពោះ និងពេលបំបៅដោះកូន ការផឹកស្រាបង្កើនហានិភ័យនៃការមានកូនដែលមានលក្ខណៈខុសពីធម្មតា ពិការភាពខាងបញ្ញាធ្ងន់ធ្ងរ និងបញ្ហាអាកប្បកិរិយា។
7. កុំជក់បារី ៖ ការជក់បារី គឺមិនល្អចំពោះអ្នកនិងកូនក្នុងផ្ទៃរបស់អ្នកឡើយ។ វាបង្កើនហានិភ័យនៃរោគសញ្ញាស្លាប់ទារកភ្លាមៗ ការកើតមិនគ្រប់ខែ ការរលូតកូន និងលទ្ធផលមិនល្អផ្សេងទៀត។
8. ការធ្វើចលនា​៖ ការធ្វើលំហាត់ប្រាណប្រចាំថ្ងៃ ឬ ការសកម្មក្នុងវិធីផ្សេងទៀតអាចជួយឱ្យអ្នកមានសុខភាពល្អអំឡុងពេលមានផ្ទៃពោះ។
9. ទទួលថ្នាំបង្ការជំងឺគ្រុនផ្តាសាយ ៖ ជំងឺគ្រុនផ្តាសាយអាចធ្វើឱ្យស្ត្រីមានផ្ទៃពោះឈឺធ្ងន់ និងបង្កើនហានិភ័យនៃផលវិបាកដល់កូនរបស់អ្នក។ ការចាក់ថ្នាំបង្ការរោគគ្រុនផ្តាសាយអាចការពារអ្នកពីជំងឺធ្ងន់ធ្ងរ និងជួយការពារកូនរបស់អ្នកក្រោយពេលកើតផងដែរ។
10. គេងឱ្យបានច្រើន ៖ ការគេងឱ្យបានគ្រប់គ្រាន់ (៧ ទៅ៩ ម៉ោង) មានសារៈសំខាន់សម្រាប់អ្នកនិងកូនរបស់អ្នក។ ព្យាយាមគេងផ្អៀងទៅឆ្វេងដើម្បីធ្វើឱ្យលំហូរឈាមប្រសើរឡើង។
11. កាត់បន្ថយភាពតានតឹង ៖ ការកាត់បន្ថយស្ត្រេស គឺមានសារៈសំខាន់សម្រាប់ការកែលម្អលទ្ធផលកំណើត។ ស្ត្រីមានផ្ទៃពោះគួរចៀសវាងស្ថានភាពស្ត្រេសតាមដែលអាចធ្វើទៅបាន។ ជ្រើសរើសមនុស្សជាទីស្រលាញ់ដើម្បីជួយអ្នកគ្រប់គ្រងភាពតានតឹងក្នុងជីវិតរបស់អ្នក។
12. រៀបចំផែនការពេលវេលាត្រឹមត្រូវដើម្បីមានផ្ទៃពោះ ៖ ប្រសិនបើអ្នកជ្រើសរើសមានផ្ទៃពោះក្នុងពេលដែលអ្នកដឹងថាអ្នកមានសុខភាពល្អបំផុតនោះ វាជួយបង្កើនឱកាសនៃការមានផ្ទៃពោះប្រកបដោយសុខភាពល្អនិងកំណើតប្រកបដោយសុខភាពល្អ ។

ជាមួយគ្នានេះដែរ Grandmed អេបលោកអ្នកអាចធ្វើការណាត់ជួបជាមួយនឹងគ្រូពេទ្យជំនាញសម្ពធ ដែលមានទាំងគ្រូពេទ្យបុរស និង នារី ងាយស្រួលក្នុងការជ្រើសរើស ។ លើលពីនេះទៅទៀត លោកអ្នកអាចជ្រើសរើសពិគ្រោះជាមួយនឹងគ្រូពេទ្យ តាមវិធី ៣ យ៉ាង រួមមាន ជួបពេទ្យផ្ទាល់ក៏បាន ទៅមន្ទីរពេទ្យក៏បាន ឫឱ្យគ្រូពេទ្យទៅពិនិត្យដល់ផ្ទះក៏បាន ៕

សូមដោនឡូត GrandMed App ឥឡូវនេះ!
1. ដោនឡូតអេប សំរាប់ទូរស័ព្ទ Iphone
https://apps.apple.com/nz/app/grandmed/id1592706175
2. ដោនឡូតអេប សំរាប់ទូរស័ព្ទ Samsung
https://play.google.com/store/apps/details?id=com.grandMed