ទឹក គឺជាសមាសភាពនៃរាងកាយដែលមានរហូតដល់ 60-70 ភាគរយ ដូច្នេះវាចាំបាច់ណាស់សម្រាប់រាងកាយ។ ប្រសិនបើរាងកាយរបស់អ្នកខ្សោះជាតិទឹកក្នុងរយៈពេលពីរទៅបីថ្ងៃ វាអាចគំរាមកំហែងដល់ជីវិត ប្រសិនបើយើងទទួលបានទឹកមិនគ្រប់គ្រាន់វាមានផលប៉ះពាល់អវិជ្ជមានដល់សុខភាព ។

ទឹក​ជា​សារធាតុ​ដ៏​ចាំបាច់​របស់​​​កោសិកា ព្រោះ​ជា​អ្នក​បង្ហូរ​សារធាតុ​គីមី​ផ្សេងៗ​ទៅ​ចិញ្ចឹម​កោសិកា ឬ​រក្សា​លំនឹង​ប្រតិកម្ម​គីមី​ក្នុង​ខ្លួន។ សំណល់​ទាំង​អម្បាល​ម៉ាន ត្រូវ​បញ្ចេញចោល​តាម​រយៈ​ទឹក​នេះ​ឯង។ ក្នុង​មួយ​ថ្ងៃៗ យើង​បញ្ចេញ​ចោល​ ធាតុរាវ តាម​ផ្លូវ​ទឹក​នោម​ប្រមាណ​១​លីត្រ តាម​ញើស​និង​តាម​ផ្លូវ​ដង្ហើម។ ញើស​ជា​អ្នក​ចូល​រួម​ចំណែក​រក្សា​សីតុណ្ហភាព​​​​​របស់​សរីរាង្គកាយ (ញើស​គឺ​ជា​ចំហាយ​កម្តៅ​បញ្ចេញ​ដោយ​សកម្មភាព​របស់​កោសិកា។ ពេល​បញ្ចេញ​ទឹក​ចោល គេ​ត្រូវ​រក​ទឹក​មក​ជំនួស​វិញ ព្រោះ​ខ្លួន​ប្រាណ​មនុស្ស​មិន​ចេះ​រក្សា​បំរុង​ទឹក​ទុក​ខ្លួន​ទេ។ នេះ​ហើយ​ជា​ដើម​ហេតុ​ដែល​នាំ​ឱ្យ​យើង​មាន​អាការៈ​ស្រេក​ទឹក។ ស្រេក​ទឹក​ជា​សញ្ញាជួយ​ដាស់​ថា ខ្លួន​ប្រាណ​កំពុង​ខ្សោះជាតិ​ទឹក ។

ទោះជាបែបនេះក្តី មិនមានឯកសារផ្លូវការណាមួយដែលកំណត់ចំនួនទឹក ដែលត្រូវតែផឹកសម្រាប់មនុស្សម្នាក់ក្នុងពេលមួយថ្ងៃឡើយ ពោលគឺវាអាស្រ័យទៅលើសកម្មភាពប្រចាំថ្ងៃរបស់បុគ្គលនីមួយៗ ថាតើគាត់បញ្ចេញកម្លាំងខ្លាំងប៉ុណ្ណា ហើយបាត់បង់ជាតិទឹកប៉ុន្មាន ។ អ្វីដែលត្រូវចងចាំនោះ គឺព្យាយាមកុំធ្វើឱ្យខ្លួនឯងស្រេកទឹកខ្លាំង ហើយក៏មិនគួរព្យាយាមញាំទឹកឱ្យបានច្រើននៅពេលដែលខ្លួនប្រាណមិនអាចទទួលបានឡើយ ។ 

មនុស្សមួយចំនួន យល់ថាការផឹកទឹក មុនពេលចូលគេង អាចធ្វើឱ្យពួកគេ គេងមិនបានស្កប់ស្កល់។ ប៉ុន្តែ​អ្នក​មាន​ដឹង​ទេ ថា​មាន​ករណី​មនុស្ស​ស្លាប់​នៅ ពេល​គេង​ជា​ច្រើន​ករណី ដែល​ក្នុង​នោះ​ក៏​មាន មូលហេតុ​ទាក់​ទង នឹងការមិន​ញាំ​ទឹកមុន​ចូល​គេង នោះ​ដែរ ។ ក្នុងនោះករណីនៃការ ស្លាប់មួយចំនួនបណ្តាល មក​ពី​ការ​ដាច់ សរសៃឈាមខួរក្បាល និង គាំងបេះដូងជាដើម ៕

សូមដោនឡូត GrandMed App ឥឡូវនេះ!
1. ដោនឡូតអេប សំរាប់ទូរស័ព្ទ Iphone
https://apps.apple.com/nz/app/grandmed/id1592706175
2. ដោនឡូតអេប សំរាប់ទូរស័ព្ទ Samsung
https://play.google.com/store/apps/details?id=com.grandMed