ផ្លែស្រកានាគគឺជាផ្លែឈើមួយប្រភេទដែលស្ថិតក្នុងអំបូរដើមដំបងយក្ស។ វាមានរូបរាងប្លែក សាច់ទន់ និងរសជាតិផ្អែម ។ ផ្លែស្រកានាគមានផ្ទុកសារធាតុប្រឆាំងអុកស៊ីតកម្មច្រើនមុខដែលមានគុណប្រយោជន៍សម្រាប់សុខភាពល្អ។ ផ្លែស្រកានាគក៏មានផ្ទុកនូវវីតាមីន និងសារធាតុរ៉ែជាច្រើនដែលមានសារៈសំខាន់សម្រាប់រាងកាយឱ្យមានសុខភាពល្អ ។

យោងតាម USDA ផ្លែស្រកានាគមានតម្លៃអាហារូបត្ថម្ភដូចតទៅ ៖
ក្នុងការទទួលទាន ១០០ ក្រាម (១ ​ខាំ) លោកអ្នកទទួលបាន

• កាឡូរី ២៦៤
• ប្រូតេអ៊ីន ៣.៥៧ ក្រាម
• កាបូអ៊ីដ្រាត ៨២,១៤ ក្រាម
• ជាតិសរសៃ ១,៨ ក្រាម
• ស្ករសរុប ៨២,១៤ ក្រាម
• កាល់ស្យូម ១០៧ មីលីក្រាម
• សូដ្យូម ៣៩ មីលីក្រាម
• វីតាមីនសេ ៦,៤ មីលីក្រាម

• អត្ថប្រយោជន៍​នៃ​ផ្លែ​ស្រកានាគ​ចំពោះ​សុខភាព​រាង​កាយ ៖

ល្អ​សម្រាប់​ប្រព័ន្ធ​រំលាយ​អាហារ ៖ ផ្លែ​ស្រកានាគ គឺ​អាហារ​ដ៏​ល្អ​ប្រសើរ​បំផុត​សម្រាប់​ប្រព័ន្ធ​រំលាយ​អាហារ និង​ពោះ​រៀន ។ វា​កាត់​បន្ថយ​បញ្ហា​ទល់លាមក និង​បង្កើន​ការ​រំលាយ​​អាហារ ។ ផ្លែ​ស្រកានាគ​មាន​ផ្ទុក​ជាតិ​សរសៃ​ដែល​រក្សា​សុខភាព​ពោះវៀន និង​ធ្វើ​ឲ្យ​វា​ដំណើរការ​កាន់តែ​ប្រសើរ​សកម្ម​ឡើង ។

ទប់ទល់នឹងជំងឺមហារីក ៖ ផ្លែស្រកានាគ មានផ្ទុកនូវសារធាតុប្រឆាំងអុកស៊ីតកម្មជាច្រើនដូចជា phenols, flavonoids និងសមាសធាតុ ពិសេសៗដែលជាសារធាតុប្រឆាំងជំងឺមហារីក និង ទប់ស្កាត់មិនឲ្យជំងឺសាហាវនេះកើតឡើង ។

ព្យាបាលជំងឺទឹកនោមផ្អែម ៖ ជួយគ្រប់គ្រងកម្រិតជាតិស្ករក្នុងឈាម ចំពោះអ្នកដែលមានជំងឺទឹកនោមផ្អែម ។ ដោយសារតែមានសារធាតុមួយហៅថា Mucilage ដែលអាចរកបានតែនៅក្នុងដើមដំបងយក្សតែប៉ុណ្ណោះ សារធាតុនេះជួយស្រូបយកទឹកនៅក្នុងរាងកាយ ដូច្នេះទើបជួយគ្រប់គ្រងកម្រិតគ្លុយកូសចំពោះអ្នកជំងឺទឹកនោមផ្អែមបានយ៉ាងល្អ ។

អាចជួយប្រឆាំងនឹងជំងឺរ៉ាំរ៉ៃ ៖ ផ្លែស្រកានាគមានសារធាតុប្រឆាំងអុកស៊ីតកម្មដ៏មានប្រសិទ្ធភាពដោយបន្សាបរ៉ាឌីកាល់សេរី ដូច្នេះវាអាចការពារការបំផ្លាញកោសិកា និងការរលាក។ ការសិក្សាបានបង្ហាញថារបបអាហារដែលមានសារធាតុប្រឆាំងអុកស៊ីតកម្មខ្ពស់អាចជួយការពារជំងឺរ៉ាំរ៉ៃ ដូចជាជំងឺបេះដូង ជំងឺមហារីក ទឹកនោមផ្អែម ​និងជំងឺរលាកសន្លាក់។

ផ្ទុកដោយជាតិសរសៃខ្ពស់ ៖ ជាតិសរសៃប្រហែលជាត្រូវបានគេស្គាល់យ៉ាងច្បាស់ចំពោះតួនាទីរបស់វាក្នុងការរំលាយអាហារ​ហើយស្រាវជ្រាវបានបង្ហាញថា វាក៏អាចដើរតួក្នុងការការពារប្រឆាំងនឹងជំងឺបេះដូង គ្រប់គ្រងជំងឺទឹកនោមផ្អែមប្រភេទ២ និងរក្សាទម្ងន់ និងរាងកាយរបស់អ្នកឱ្យមានសុខភាពល្អផងដែរ។

សម្បូរជាតិវីតាមីនC ៖ ចំពោះផ្លែស្រកានាគ សម្បូរជាតិវីតាមីនC ដែលអ្នក បានដឹងស្រាប់ហើយ ថាវីតាមីនC ជួយអោយប្រព័ន្ធការពាររាងកាយ របស់អ្នក រឹងមាំបានល្អ និងជួយព្យាបាល បញ្ហាផ្លូវដង្ហើមបានថែមទៀត។ មិនតែប៉ុណ្ណោះ វាជួយអោយ មុខរបួសមួយចំនួន អាចជាសះស្បើយ បានឆាប់រហ័ស។

ផ្ទុកវីតាមីនB ៖ ផ្លែស្រកានាគ ផ្ទុកជាតិវីតាមីនB រួមទាំងវីតាមីនB1 B2 និងB3។ ចំពោះវីតាមីនB1 បានជួយអោយ រាងកាយអាចស្រូបជាតិ កាបូអ៊ីដ្រាត ដែលមានក្នុងអាហារ។ រីឯវីតាមីនB2 មានសារៈសំខាន់ណាស់ ក្នុងការថែទាំសុខភាពនៅខាងក្នុង បានយ៉ាងល្អ។ ចំពោះវីតាមីនB3 គឺល្អខ្លាំងណាស់ ចំពោះស្បែករបស់អ្នក អោយមានភាពភ្លឺរលោងស្អាតបាន។

ប្រភព​ជាតិ​​​ខ្លាញ់​​មាន​សុខភាព​ល្អ​ ៖ ជាក់​ស្ដែង​ ​ជាតិ​ខ្លាញ់​គឺ​ជា​ប្រភព​ថាមពល​​ទាំង​​សម្រាប់​ម្ដាយ​ និង​​ទារ​ក​ ក្នុង​អំឡុង​ពេល​ពពោះ ​និង​​ជា​តម្រូវ​ការ​ចាំបាច់​​នៅ​ពេល​ដែល​ខួរ​ក្បាល​របស់​កូន​​កំពុង​​លូតលាស់​ផង​ដែរ​។​ ​សម្រាប់​ផ្លែ​ស្រកានាគ​ចំនួន​មួយ​ផ្លែ​ មាន​​ជាតិ​ខ្លាញ់​ប្រហែល​០,១ ទៅ​០,៦​ក្រាម​ ដែល​ភាគច្រើន​គឺ​ជា​ខ្លាញ់​ឆ្អែត​​ ហើយ​ការ​ញ៉ាំ​ខ្លាញ់​ប្រភេទ​នេះ​​ជំនួស​ឲ្យ​ខ្លាញ់​ឆ្អែត​ និងខ្លាញ់ចម្រាញ់ ​អាច​ជួយ​គាំទ្រ​ដល់​ការ​ឡើង​​ទម្ងន់ អំឡុង​ពេល​ពពោះ​​ប្រកប​ដោយ​សុខភាព​ល្អ​​ថែម​ទៀត​ផង​ ៕

សាកល្បងប្រើប្រាស់សេវាកម្មដ៏សម្បូរបែបរបស់ ហ្គ្រេនមេដ ឥឡូវនេះតាមរយៈ ៖ http://grandmed.asia/home ឫ ដោនឡូត App GrandMed នៅក្នុង AppStore ឫ PlayStore ៕