មង្ឃុត គឺជាផ្លែឈើមានដាំដុះនៅតំបន់ត្រូពិក ហើយវាមានរសជាតិផ្អែមនិងជូរតិចៗ។ វាមានដើមកំណើតក្នុងទ្វីបអាស៊ីអាគ្នេយ៍ ប៉ុន្តែវាក៏ត្រូវបានគេរកឃើញនៅក្នុងតំបន់ត្រូពិកផ្សេងៗនៅជុំវិញពិភពលោកផងដែរ។ នៅពីក្រោយការពេញនិយមក្នុងការទទួលទាន មង្ឃុត ផ្តល់នូវអត្ថប្រយោជន៍ជាច្រើនចំពោះសុខភាព រួមមានសារធាតុចិញ្ចឹម ជាតិសរសៃ និងសារធាតុប្រឆាំងអុកស៊ីតកម្មដ៏ពិសេស ។

ជាតិ​កាឡូរី​ទាប ៖ ផ្លែ​ឈើ​នេះ​មាន​ជាតិ​កាឡូរី​ទាប​ខ្លាំង​ណាស់ (​ត្រឹមតែ​៦៣​កាឡូរី​ក្នុង​១០០​ក្រាម​) និង​គ្មាន​ជាតិ​ខ្លាញ់ ឬ​កូ​ឡេ​ស្តេ​រ៉ុល ។ លើស​ពី​នេះ​ទៅ​ទៀត វា​សម្បូរ​ទៅ​ដោយ​ជាតិ​កាក​សរសៃ​អាហារ ដែល​មាន​សារៈសំខាន់​ខ្លាំង​ណាស់ សម្រាប់​បុគ្គល​ដែល​មានការ​ព្រួយបារម្ភ​អំពី​ការ​លើស​ទម្ងន់​រាង​កាយ ។

កាត់បន្ថយជំងឺទឹកនោមផ្អែម ៖ ផ្លែមង្ឃុត សម្បូរទៅដោយសារធាតុប្រឆាំងអុកស៊ីតកម្ម ដែលធ្វើការគ្រប់គ្រងការបំប្លែងសារជាតិគ្លុយកូសក្នុងឈាម ព្រមទាំងជួយគ្រប់គ្រងអាំងស៊ុយលីននៅក្នុងរាងកាយបានល្អ ។

សម្បូរសារជាតិប្រឆាំងអុកស៊ីតកម្ម ៖ ផ្លែមង្ឃុត មានសារធាតុទាំងនេះមានលក្ខណៈសម្បត្តិប្រឆាំងនឹងការរលាក និងការពារជំងឺមហារីក។

ប្រភពនៃសារជាតិវីតាមីន C ៖ ផ្លែមង្ឃុត គឺសម្បូរទៅដោយសារជាតិវីតាមីន C ដែលជាជំនួយក្នុងការរំលាយអាហារ ព្រមទាំងជួយបង្កើនភាពស៊ាំប្រឆាំងនឹងការឆ្លងមេរោគអតិសុខុមប្រាណជាច្រើន។

ផ្ទុកសារជាតិ folate ៖ ដែលល្អសម្រាប់ស្ត្រីមានផ្ទៃពោះ ព្រោះវាការពារពិការភាពពីកំណើតក្នុងទារក ​ជួយបង្កើតទឹកដោះម្តាយក្រោយពេលកើត ហើយក៏ជួយកាត់បន្ថយហានិភ័យនៃជំងឺបេះដូងផងដែរ។ ជាពិសេសផ្ទុកទៅដោយជាតិសរសៃដ៏ច្រើន ដែលជួយប្រព័ន្ធរំអិលនិងកាត់បន្ថយហានិភ័យនៃជំងឺផ្សេងៗនៃពោះវៀន ៕

សាកល្បងប្រើប្រាស់សេវាកម្មដ៏សម្បូរបែបរបស់ ហ្គ្រេនមេដ ឥឡូវនេះតាមរយៈ ៖ http://grandmed.asia/home ឫ ដោនឡូត App GrandMed នៅក្នុង AppStore ឫ PlayStore ៕