កាហ្វេ​ជា​ភេសជ្ជៈ​ដ៏​ពេញ​និយម មាន​អ្នក​ទទួល​ទាន​ច្រើន​ជាង​គេ​បំផុត​នៅ​លើ​ពិភពលោក ជាមួយ​នឹង​ការ​ឆុង​ផឹក​ជា​ប្រចាំ​ប្រមាណ ២២៥០​លាន​ពែង ក្នុង​មួយ​ថ្ងៃៗ។ កាហ្វេ ត្រូវបានគេដឹងថាផ្ទុកនូវសារធាតុប្រឆាំងអុកស៊ីតកម្មនិងសារធាតុចិញ្ចឹមដែលមានប្រយោជន៍ ហើយអាចជួយបង្កើនសុខភាពរបស់អ្នក។ ការស្រាវជ្រាវបានបង្ហាញថាអ្នកផឹកកាហ្វេមានហានិភ័យទាបនឹងជំងឺធ្ងន់ធ្ងរជាច្រើន ។ ខាងក្រោមនេះ គឺជាអត្ថប្រយោជន៍​ ដោយផ្ទាល់ និង ប្រយោលពីការពិសារកាហ្វេ ៖

1. ជួយបង្កើតថាមពលសម្រាប់បំពេញការងារប្រចាំថ្ងៃ ៖ កាហ្វេអាចជួយបង្កើនថាមពលដល់អ្នកដែលមានអារម្មណ៍ថានឿយហត់ តែសម្រាប់អ្នកដែលមានបញ្ហាជាមួយសារធាតុកាហ្វេអ៊ីន ឬមានបញ្ហាសម្ពាធឈាមមិនគួរទទួលទានទេ។ អ្នកដែលមានអារម្មណ៍ថានឿយហត់ដោយសារខួរក្បាលទទួលរងសម្ពាធ សារធាតុកាហ្វេអ៊ីនបានដើរតួនាទីជួយភ្ញោច និងដាស់ភាពរំញោចឲ្យវិលត្រលប់មកវិញ។
2. ធ្វើ​ឲ្យ​លោកអ្នក​កាន់តែ​មាន​ភាព​វៃឆ្លាត ៖ ការ​ទទួលទាន​កាហ្វេ​មិន​ត្រឹមតែ​ធ្វើ​ឲ្យ​លោកអ្នក​មិន​ងងុយគេង​នោះទេ តែ​វា​ថែមទាំង​ធ្វើ​ឲ្យ​លោកអ្នក​មាន​ភាព​វៃឆ្លាត​ថែមទៀត​ផង។ កាហ្វេ​អ៊ី​ន គឺ​គ្រឿងផ្សំ​ដ៏​សំខាន់​នៅក្នុង​កាហ្វេ​ ​វា​ជួយ​ដាស់សតិ​អារម្មណ៍​លោកអ្នក និង​ជួយ​អភិវឌ្ឍ​ខួរក្បាល​បាន​ល្អថែម​ទៀតផង ។
3. កាហ្វេអាចជួយអ្នកក្នុងការដុតរំលាយជាតិខ្លាញ់បាន ៖ ការសិក្សាជាច្រើនបង្ហាញថាជាតិកាហ្វេអ៊ីនអាចបង្កើនអត្រាមេតាប៉ូលីសពី ៣ ទៅ ១១% ។ ការសិក្សាផ្សេងទៀតបានបង្ហាញថាជាតិកាហ្វេអ៊ីនអាចបង្កើនការដុតរំលាយជាតិខ្លាញ់បានដល់ទៅ ១០% ចំពោះអ្នកធាត់។ ទោះជាយ៉ាងណាវាអាចទៅរួចដែលថាឥទ្ធិពលទាំងនេះនឹងបន្ថយចំពោះអ្នកផឹកកាហ្វេរយៈពេលវែង ។
4. ផឹកកាហ្វេអាចបន្ថយហានិភ័យនៃជំងឺទឹកនោមផ្អែមប្រភេទទី ២ ៖ ការសិក្សាមួយដែលធ្វើឡើងដោយអ្នកស្រាវជ្រាវនៅសាលាសុខភាពសាធារណៈនៃសាកលវិទ្យាល័យ Harvard បានបង្ហាញថាអ្នកដែលផឹក កាហ្វេមួយពែងជារៀងរាល់ថ្ងៃច្រើនជាងបរិមាណធម្មតារបស់វាអំឡុងពេល ៤ឆ្នាំមានការថយចុះហានិភ័យនៃការវិវត្តរបស់ជំងឺទឹកនោមផ្អែមប្រភេទទី ២ ដល់ទៅ ១១% ។  ការស្រាវជ្រាវក៏បានរកឃើញថាអ្នកដែលបន្ថយការផឹកកាហ្វេលើសពីមួយពែងក្នុងមួយថ្ងៃបានបង្កើនហានិភ័យនៃជំងឺទឹកនោមផ្អែមប្រភេទទី ២ ដល់ទៅ ១៧% ។

ទោះបីជាកាហ្វេបានផ្ដល់នូវផលវិជ្ជមានយ៉ាងច្រើនចំពោះសុខភាពអ្នកក៏ដោយ ប៉ុន្តែកាហ្វេក៏បានផ្ដល់ផលមិនល្អចំពោះសុខភាពរាងកាយរបស់អ្នកផងដែរ ដោយតាមការសិក្សាមួយបានបង្ហាញថាការផឹកកាហ្វេរហូតដល់ ៨ ពែងកន្លះក្នុងមួយថ្ងៃ នោះអ្នកអាចនឹងមិនមានសុវត្ថិភាពចំពោះសុខភាពអ្នកឡើយ ។

ដោយជាតិកាហ្វេអ៊ីនដែលមាននៅក្នុងកាហ្វេ , តែ , សូដា និងអាហារក៏អាចដាក់សម្ពាធលើតម្រងនោមរបស់អ្នកផងដែរ។ ព្រោះជាតិកាហ្វេអ៊ីនគឺជាសារធាតុរំញោចមួយដែលអាចបណ្តាលឱ្យមានការកើនឡើងនៃលំហូរឈាម សម្ពាធឈាមនិងជំងឺស្ត្រេសទៅលើតម្រងនោម។ ជាពិសេសនោះគឺជាប់ទាក់ទងទៅនឹងជំងឺគ្រួសក្នុងតម្រងនោម ៕

សាកល្បងប្រើប្រាស់សេវាកម្មដ៏សម្បូរបែបរបស់ ហ្គ្រេនមេដ ឥឡូវនេះតាមរយៈ ៖ http://grandmed.asia/home ឫ ដោនឡូត App GrandMed នៅក្នុង AppStore ឫ PlayStore ៕