ជំងឺអុតស្វាគឺជាជំងឺដែលបង្កឡើងដោយមេរោគអុតស្វា។ វា​ជា​ជំងឺ​ដែល​អាចឆ្លងពីសត្វទៅមនុស្ស។ វាក៏អាចឆ្លងរាលដាលពីមនុស្សទៅមនុស្សផងដែរ ។ ជំងឺអុតស្វាត្រូវ​បាន​គេ​រក​ឃើញ​ជា​ទូទៅ​នៅ​ភាគ​កណ្តាល និង​ភាគ​ខាង​លិច​នៃ​ទ្វីប​អាហ្រ្វិក ជា​កន្លែង​ដែល​មាន​ព្រៃ​ត្រូពិច និង​ទូទៅជា​កន្លែង​ដែល​សត្វ​ដែល​អាច​ផ្ទុក​មេរោគ​នេះ​។ មនុស្សដែលមានជំងឺអុតស្វាត្រូវបានគេកំណត់អត្តសញ្ញាណម្តងម្កាលនៅក្នុងប្រទេសផ្សេងទៀតនៅក្រៅតំបន់អាហ្វ្រិកកណ្តាល និងខាងលិច បន្ទាប់ពីការធ្វើដំណើរពីតំបន់ដែលមានជំងឺនេះ ។

រោគ​សញ្ញា​នៃ​ជំងឺ​អុតស្វា​ជា​ទូទៅ​រួម​មាន គ្រុនក្តៅ ឈឺក្បាល​ខ្លាំង ឈឺ​សាច់ដុំ ឈឺ​ខ្នង ខ្សោយកំលាំង ហើមកូនកណ្តុរ និង​កន្ទួល​លើ​ស្បែក ឬ​ដំបៅ។ កន្ទួលនេះជាធម្មតាចាប់ផ្តើមក្នុងរយៈពេលមួយទៅបីថ្ងៃបន្ទាប់ពីការចាប់ផ្តើមក្តៅខ្លួន។ ដំបៅអាចមានរាងសំប៉ែត ឬពកឡើងបន្តិច ពេញដោយសារធាតុរាវថ្លា ឬពណ៌លឿង ហើយបន្ទាប់មកអាចឡើងក្រម ស្ងួត និងជ្រុះ។ ចំនួននៃដំបៅនៅលើមនុស្សម្នាក់អាចមានតិចឬច្រើន។ កន្ទួល​ភាគច្រើនមាន​នៅលើ​ផ្ទៃមុខ បាតដៃ និង​បាតជើង​ និងក៏អាចមាននៅលើមាត់ ប្រដាប់បន្តពូជ និងភ្នែកផងដែរ ។

រោគសញ្ញាជាធម្មតាមានរយៈពេលពី ២ ទៅ ៤ សប្តាហ៍ ហើយបាត់ទៅវិញដោយខ្លួនឯងដោយគ្មានការព្យាបាល។ ប្រសិនបើអ្នកគិតថាអ្នកមានរោគសញ្ញាដែលអាចជាជំងឺអុតស្វា សូមស្វែងរកការណែនាំពីអ្នកផ្តល់សេវាថែទាំសុខភាព។ អនុញ្ញាតឱ្យពួកគេដឹង ប្រសិនបើអ្នកមានទំនាក់ទំនងជិតស្និទ្ធជាមួយអ្នកដែលមានការសង្ស័យ ឬអ្នកដែលមានជំងឺនេះ ។