ការរីកក្រពេញប្រូស្តាតគឺជាក្តីបារម្ភរបស់បុរសវ័យចំណាស់ភាគច្រើន ដែលតែងតែជួបប្រទះញឹកញាប់។ ការរីកក្រពេញប្រូស្តាតអាចមានហានិភ័យបណ្តាលអោយមានការពិបាកនោម និងស្ទះទឹកនោមជាដើម។ វាក៏អាចធ្វើអោយមានបញ្ហាដល់ប្លោកនោម ផ្លូវបង្ហូរទឹកនោមនិងតំរងនោមផងដែរ។ បុរសភាគច្រើនមានក្រពេញប្រូស្តាតចេះតែរីកធំឡើងរហូតពេញមួយជីវិត។ ការបន្តរីកធំរហូត នេះអាចបណ្តាលអោយមានរោគសញ្ញាពិបាកនោម ឬធ្វើអោយស្ទះលំហូរទឹកនោម។ វាមិនច្បាស់ទេថា តើអ្វីដែលធ្វើអោយក្រពេញប្រូស្តាតរីកធំនោះ តែទោះជាយ៉ាងណាក៏ដោយវាអាចកើតឡើងដោយសារតែការផ្លាស់ប្តូរតុល្យភាពនៃអ័រម៉ូនភេទនៅពេលបុរសកាន់តែចាស់ ។

បុរសទាំងអស់មានក្រពេញប្រូស្តាតដែលមានទំហំប៉ុនផ្លែអាព្រីខុត(apricot) វាមានទម្ងន់ប្រមាណ៣០ក្រាម។ វាជាក្រពេញដែលផលិតធាតុផ្សំមួយចំនួននៃទឹកកាម។  វាស្ថិតនៅមុខរន្ធគូថនិងនៅក្រោមប្លោកនោម នៅជុំវិញបំពង់ទឹកនោមដែលបញ្ចេញទឹកនោមចេញពីប្លោកនោម។ ទឹករំអិលដូចទឹកដោះគោដែលផលិតដោយក្រពេញប្រូស្តាត គឺជាសារធាតុរាវដែលមានប្រហែល៣០%នៃទឹកកាមទាំងស្រុងដែលត្រូវបានបញ្ចេញ។ សារធាតុរាវរបស់ប្រូស្តាតការពារមេជីវិតឈ្មោល ជួយឱ្យពួកគេរស់នៅបានយូរនិងអាចចល័តបាន ។

តើអ្វីខ្លះជាកត្តាប្រឈមមុខនឹងការរីកធំនៃក្រពេញប្រូស្តាតនេះ?

• អាយុ: ក្រពេញប្រូស្តាតអាចរីកហើយមានលេចចេញជារោគសញ្ញាដោយកំរចំពោះ បុរសដែលមានអាយុតិចជាង៤០ឆ្នាំ។ ១ភាគ៣នៃបុរសមានបទពិសោធន៏ថាមានរោគសញ្ញាមធ្យមទៅធ្ងន់ធ្ងរនៅអាយុចាប់ពី៦០ឆ្នាំ ហើយពាក់កណ្តាលនៃបុរសមានរោគសញ្ញា និងរីកក្រពេញប្រូស្តាតនៅពេលអាយុ ៨០ឆ្នាំ។
• ប្រវត្តិ​គ្រួសារ: អ្នកមានសាច់ញាតិដូចជាឪពុកឬបងប្អូនដែលមានបញ្ហាក្រពេញប្រូស្តាតមានន័យថាអ្នកទំនងជាមានបញ្ហា។
• អ្នកជំងឺទឹកនោមផ្អែមនិងជំងឺបេះដូង: ការសិក្សាបានបង្ហាញថាជំងឺទឹកនោមផ្អែម ក៏ដូចជាជំងឺបេះដូងនិងការប្រើថ្នាំ beta blockers អាចបង្កើនហានិភ័យនៃជំងឺ នេះផងដែរ
• ការរស់នៅ: ភាពធាត់បង្កើនហានិភ័យនៃជំងឺរីកក្រពេញប្រូស្តាត ខណៈពេលធ្វើលំហាត់ប្រាណអាចបន្ថយហានិភ័យរបស់អ្នក។

សូមដោនឡូត GrandMed App ឥឡូវនេះ ដើម្បីណាត់ជួបវេជ្ជបណ្ឌិតជំនាញ !
1. ដោនឡូតអេប សំរាប់ទូរស័ព្ទ Iphone
https://apps.apple.com/nz/app/grandmed/id1592706175
2. ដោនឡូតអេប សំរាប់ទូរស័ព្ទ Samsung
https://play.google.com/store/apps/details?id=com.grandMed